გეშტალტ თერაპია ემყარება პრინციპს, რომ ადამიანი ხდება უფრო თავისუფალი და ძლიერი მაშინ, როდესაც აცნობიერებს საკუთარ ემოციებს, საჭიროებებს და შინაგან პროცესებს „აქ და ახლა“. ეს მიდგომა ეხმარება ადამიანს გახდეს უფრო ქმედითი, პასუხისმგებლიანი და ნამდვილ საკუთარ თავთან. გეშტალტი არ გასწავლის როგორ იცხოვრო — ის ქმნის უსაფრთხო სივრცეს, სადაც თავად პოულობ პასუხებს. სწორედ ამ გამოცდილებაზე დაყრდნობით მინდა წარმოგიდგინოთ ჩემი საავტორო კურსი „გრძნობები და ემოციები“, რომელიც დაეხმარება ადამიანებს უკეთ იცხოვრონ საკუთარ შინაგან სამყაროსთან, დაინახონ ემოციების ფუნქციები და გაიგონ, რას გვიყვებიან ჩვენი გრძნობები ყოველდღიურობაში. კურსი განკუთვნილია ყველასთვის, ვისაც სურს შეიმუშაოს ემოციური მდგრადობა, შეამციროს შფოთვა და მოიპოვოს უფრო დიდი თავისუფლება არჩევანში.
ღრმა, პერსონალურ პროცესზე ორიენტირებული თერაპია, სადაც ფოკუსში ხარ შენ — შენი განცდები, საჭიროებები და ურთიერთობები. სეანსები გეხმარება უკეთ დაუკავშირდე საკუთარ თავს და იცხოვრო უფრო ცნობიერად.
სივრცე, სადაც ერთმანეთთან ურთიერთობით შეიცნობ საკუთარ თავს. ჯგუფური თერაპია ხელს უწყობს ემპათიის განვითარებას, საზღვრების გაცნობიერებას და გულწრფელ კომუნიკაციას.
“გეშტალტ თერაპია არ გაძლევს რჩევებს – ის გაძლევს შესაძლებლობას, უკეთ დაინახო და იგრძნო ვინ ხარ სინამდვილეში, რას გრძნობ, რა გინდა და როგორ შეგიძლია ამაში ძლიერი იყო.”